0

Nakatagong Damdamin

Ilang beses pa bang isusulat sa mga blankong papel
ang mga damdaming di masabi ng mga labi?
Na ikaw ang laman ng mga panaginip
na binibisita tuwing sumasapit ang dilim,
na habang yakap ang unan sa gabi,
ikaw ang laging sumasagi sa isip?

Paano masasabi ang mga nakatagong damdamin
kung di ka man lamang magpakita sa akin,
mga halik na sana’y ilalapat sa iyong mga labi,
hanggang ngayon ay nanatiling akin.
Paano maibabahagi ang init ng mga yakap,
kung ika’y parating malayo sa akin?

Kahit ilang araw pa ang lumipas patuloy pa rin sa pananabik
na muling mahagkan at mayakap kang muli,
at balang araw di na kailangang managinip
pagkat ika’y nandito na sa aking piling.

-The Elusive Scribe 100213-

Advertisements